काठमाडौं – स्वर्गिय गायक कुमार कान्छाको स्वर रहेको अन्तिम गीत ‘नैना रेशम’ सार्वजनिक भएको छ । संगीतकार आलोकश्रीले कुमारको निधनको करिब एक दशकपछि यो गीत बाहिर ल्याएका हुन् ।
‘साइनो’ एल्मबमा रहेको यो गीतलगायत अन्य केही गीत रेकर्डको क्रममा उनको निधन भएको थियो । आलोककै शब्द तथा संगीत रहेको गीत रोमान्टिक शैलीमा छ । गीतमा प्रेमिकाको प्रशंसा गर्दै प्रेमीले उनीलाई खोज्ने आफ्नो मनको भावना व्यक्त गरेका छन् ।
अमुल कार्की ढलीको संगीत संयोजन र गुन्जन रेकडिङ स्टुडियो रेकर्ड भएका गीतको भिडियो पनि निर्माण भएको छ । भिडियो संगीतकार आलोकश्रीले आफ्नै नामको युट्युब च्यालबाट बाहिर ल्याएका हुन् ।
प्रतिक्रिया