मस्को(दैनिक भास्कर)– विश्वभर ‘ग्राभिटी’, ‘इन्टरस्टेलर’, ‘स्टोअवे’ जस्ता फिल्म छन्, जुन फिल्म अन्तरिक्षमा आधारित छन् । अन्तरिक्षमा आधारित भए पनि यी फिल्म त्यहाँ सुटिङ गरिएका छैनन् । विश्वमा हालसम्म कुनै पनि फिल्मको अन्तरिक्षमा सुटिङ गरिएको छैन ।

तर अब रुसका निर्देशक क्लिम शिपेंको अमेरिकी अभिनेता टम क्रुजभन्दा पहिला फिल्मको सुटिङ गर्न अन्तरिक्ष गएका छन् । क्लिप आफ्नो नयाँ फिल्म ‘च्यालेञ्ज’को सुटिङ इन्टरनेसनल स्पेस स्टेसन(आइएसएस)मा गर्दैछन् । यो कुराको जानकारी नासाले सामाजिक सञ्जालमार्फत दिएको हो ।

नासाका अनुसार निर्देशक क्लिम मंगलबार फिल्मको सुटिङका लागि आइएसएसतर्फ गएका छन् । उनको टिममा रुसी अभिनेत्री यूलिया पेरसिल्ड र अन्तरिक्ष यात्री एन्टोन श्काप्लेरोव पनि छन् । योसँगै रुस अन्तरिक्षमा फिल्म सुटिङ गर्ने विश्वकै पहिलो देश बनेको छ ।

नासाले उनीहरु मंगलबार काजकिस्तानको बेकोनूर कोस्मोड्रोमबाट आइएसएसतर्फ उडेका छन् । रुसको अन्तरिक्ष एजेन्सी रोस्कोस्मोसद्वारा चालक दललाई सोयुज एमएस–१९ अन्तरिक्ष यानबाट आइएसएसका लागि उडान गरिएको थियो ।

यो फिल्मको छायांकनका लागि तालिम दिइएको छ । फिल्मको अलग अलग दृश्य छायांकनका लागि यो टिम अन्तरिक्षमा १२ दिन बस्नेछ । टिमले स्पेस स्टेसनमा ३५ देखि ४० मिनेटको लामो सिक्वेन्स खिच्नेछ ।

फिल्मले एक महिला डाक्टरको कथा भन्नेछ । जो अन्तरिक्ष यात्रीलाई बचाउनका लागि स्पेस स्टेशनतर्फ जान्छिन् । सुटिङपछि यूलिया र क्लिम एक रुसी अन्तरिक्ष यात्रीका साथ पृथ्वीमा फर्किनेछन् ।

यसअघि नासाका साथ अमेरिकी अभिनेता टम क्रुजले आफ्नो नयाँ फिल्मको सुटिङ स्पेसमा गर्ने घोषणा गरिएको थियो ।