काठमाडौँ– कोभिड–१९ विरुद्धको अमेरिकी खोप फाइजरले बेलायतमा १२ देखि १५ वर्ष उमेरका बालबालिकामा प्रयोगका लागि अनुमति पाएको छ ।

बेलायतको औषधि तथा स्वास्थ्य सेवा नियामक एजेन्सी (एमएचआरए) ले बालबालिकामा गरिएको क्लिनिकल ट्रायल सफल भएपछि यो खोपलाई प्रयोगको अनुमति दिएको जनाएको छ ।

यो खोपलाई यसअघि युरोपेली औषधि नियामक एजेन्सी (ईएमए) र अमेरिकी खाद्य तथा औषधि प्रशासन (एफडीए) ले केही दिनअघि मात्रै बालबालिकामा प्रयोगको अनुमति दिएका थिए ।

बेलायतको एमएचआरएकी कार्यकारी प्रमुख डा.जुन राइनले बालबालिकामा होसियारीपूर्वक गरिएको क्लिनिकल ट्रायल प्रभावकारी भएपछि फाइजर बायोएनटेकको खोप १२ देखि १५ वर्ष उमेर समूहका बालबालिकालाई लगाउन अनुमति प्रदान गरिएको बताए । उनले यो खोप यो उमेर समूहका बालबालिकामा प्रभावकारी र सुरक्षित रहेको बताए ।

बेलायतले हालसम्म ६ करोड २० लाख बढी नागरिकलाई कम्तीमा पहिलो डोज खोप दिइसकेको छ । बेलायतमा गत वर्षको डिसेम्बरदेखि नै अस्ट्राजेनिका र फाइजर बायोएनटेकको खोपको प्रयोग हुँदै आएको छ ।–एजेन्सी