काठमाडौँ – देशभर हाल ७५६ कोरोना संक्रमितको आईसीयू र भेन्टिलेटरमा उपचार भइरहेको स्वास्थ्य मन्त्रालयले जानकारी दिएको छ।

६ सय आईसीयू र १५६ जना भेन्टिलेटरमा गरी ७५६ जना बिरामी उपचाररत रहेको मन्त्रालयले बुधबार जारी गरेको तथ्यांकमा उल्लेख छ ।

प्रदेश १ मा ९९ जना आईसीयूमा र २० को भेन्टिलेटरमा उपचार भइरहेको मन्त्रालयले जनाएको छ । यसैगरी प्रदेश २ मा २४ जना आईसीयू र २ जना भेन्टिलेटरमा छन्।

बागमती प्रदेशमा ३०१ जना आईसीयूमा र ८८ जना भेन्टिलेटरमा छन्। गण्डकी प्रदेशमा ४४ जना आईसीयूमा र २ जना भेन्टिलेटरमा रहेको मन्त्रालयको तथ्यांकमा उल्लेख छ ।

यसैगरी लुम्बिनी प्रदेशमा ७६ जना आईसीयूमा र २३ जनाको भेन्टिलेटरमा उपचार भइरहेको छ । त्यस्तै, कर्णालीमा ३३ जना आईसीयूमा र १० जना भेन्टिलेटरमा उपचार भइरहेको छ भने सुदूरपश्चिम प्रदेशमा २३ जना आईसीयू र ११ जना भेन्टिलेटरमा रहेको मन्त्रालयले जनाएको छ।