काठमाडौं– अपाङ्गता भएको व्यक्तिहरुको प्रतिभा पहिचानमा सहयोग पुर्‍याउन सौन्दर्य प्रतियोगिता ‘मिस एण्ड मिसेज डिस्याबिलिटी क्वीन २०२१’ आयोजना हुने भएको छ ।

अपाङ्गता भएका व्यक्तिहरुको सांस्कृतिक समाज नेपाल र ग्रिन आर्ट मिडियाले प्रतियोगिताको आयोजना गर्न लागेको हो । ग्रिन आर्ट मिडियाका सिइओ प्रविन लाकौलले अपाङ्गता भएको व्यक्तिलाई पनि समाजमा अगाडि ल्याउनु पर्छ भनेर प्रतियोगिता आयोजना गर्न लागेको बताए ।

अपाङ्गता भएका ब्यक्तिहरुको सांस्कृतिक समाज नेपालका सभापति सरिता थुलुङले प्रतियोगिताले अपाङ्गता भएको व्यक्तिलाई अगाडि लगाउन मद्दत पुग्ने भएको आफुले सहकार्य गरेको बताइन् ।

आगामी चैत्र २१ गते हेरिटेज गार्डेन सानेपामा आयोजना हुने प्रतियोगितामा अनिला श्रेष्ठको कोरियोग्राफी रहनेछ । प्रतियोगितामा शीर्षसहित विभिन्न उपविधामा विजेता छानिने र विजेताले विभिन्न पुरस्कारसमेत जित्ने आयोजकले जनाएको छ ।