काठमाडौँ– वरिष्ठ अधिवक्ता तथा संवैधानिक कानून व्यवसायी मञ्चका अध्यक्ष दिनेश त्रिपाठीले प्रधानन्यायाधीश चोलेन्द्र शमशेर राणाको राजीनामा अनिवार्य भएको बताएका छन् । उनले राणाकै कारण न्यायापालिकाको सुदृढीकरण अवरुद्ध भएको भन्दै न्यायापालिका सुधारका लागि राजीनामा अनिवार्य भएको जिकिर गरेका छन् ।

त्रिपाठीले अहिले न्यायालयमा विकृतिहरु संस्थागत हुँदै गएकोसमेत दाबी गरे । उनले विचौलिया संस्थागत भएको, सेटिङ भएको जस्ता दाबी गरे । न्यायापालिका सुदृढीकरण अहिलेको माग भएको भन्दै उनले राणाको राजीनामाले सुधारको ढोका खोल्ने बताए ।

न्यायापालिका अहिले ध्वस्त हुने अवस्थामा पुगेको भन्दै दलहरुले पनि यो विषयमा बोल्नुपर्ने बताए । उनले बारले प्रधानन्यायाधीशलाई सर्वोच्चमा जानबाट रोक्ने अवस्था आउनेसमेत बताए । उनले इजलास बहिस्कार उच्च अदालत र जिल्ला अदालतसम्म पुग्न सक्ने भन्दै राणाको राजीनामा छिटो आउनुपर्ने बताए ।