काठमाडौं–गायक गणेश थापाको नयाँ गीत ‘तिमीसँग दिल बस्यो’को भिडियो सार्वजनिक भएको छ । यस अघि ‘आयो मेरै राजा’ गीत बजारमा ल्याएका उनको नयाँ गीत बुढासुब्बा डिजिटलबाट सार्वजनिक गरिएको हो ।
गीतमा सुन्दर पन्तको रचना, बलराम राजवंशीको संगीत छ । डब्बु क्षेत्री निर्देशित भिडियोमा राहुल श्रेष्ठ, साक्षी लम्साल, सुवर्णकुमार र सुनिता भुजेलको अभिनय रहेको छ ।
भिडियोमा त्रिकोणात्मक प्रेमलाई देखाइएको छ । भिडियोमा टंक केसीको छायांकन, सुरेशकुमार राउतको सम्पादन, शोभा श्रेष्ठको श्रृंगार छ । भिडियो सबला थापाले निर्माण गरेकी हुन् ।
प्रतिक्रिया