कपिलवस्तु- कपिलवस्तुमा हत्या अरोपमा ३ वर्षदेखि फरार रहेका एक जनालाई प्रहरीले पक्राउ गरेको छ ।
पक्राउ पर्नेमा कपिलवस्तु विजयपुर गाउँपालिका –७ का ५० बर्षीय लालबही प्रेमकुमार कुर्मी छन् ।
जिल्ला प्रहरी कार्यालय कपिलवस्तुका प्रवक्ता धर्मराज भण्डारीका अनुसार कुर्मीलाई महाराजगञ्ज नगरपालिका–१० हर्दौना स्थित नेपाल भारत सीमावर्ती क्षेत्रमा लुकिछिपी बसेको सूचनाका आधारमा पक्राउ गरिएको हो ।
प्रहरीका अनुसार २०७५ साल चैत्र १७ गते साँझ साढे ९ बजे कृष्णनगर नगरपालिका–१० बिद्यानगरका ५५ बर्षीय पारस पुरीलाई तीन जनाको समूहले गोली हानेर हत्या गरेका थिए ।
प्रतिक्रिया