मुम्बई(अमर उजाला)– निर्मात्री एकता कपूरको टेलिभिजन शो ‘कसौटी जिन्दगी की’बाट डेब्यू गरेका अभिनेता प्राचीन चौहानलाई मुम्बईको मलाड इस्ट पुलिसले पक्राउ गरेको छ । उनीमाथि महिलालाई दुव्र्यवहार गरेको आरोप छ ।

एक पीडित महिलाले मलाड प्रहरी चौकीमा प्राचीनविरुद्ध उजुरी दिएकी थिइन् । प्रहरीले भारतीय दण्ड संहिताको धारा ३५४, ३४२, ३२३ र ५०६(२)मा मुद्धा दर्ता गराएको हो । यसअघि टेलिभिजन अभिनेता पर्ल वी पुरीलाई नाबालिगलाई बलात्कार गरेको मामलामा पक्राउ गरिएको थियो । यद्यपि उनी जमानतमा रिहा भइसकेका छन् ।

प्राचीनले ‘कसौटी जिन्दगी की’मा सुब्रतो बसुको भूमिका निभाएका थिए । यसपछि उनले ‘कुछ झुकी पालके’, ‘सिन्दूर तेरे नाम का सात फेरे’मा अभिनय गरेका छन् ।

प्राचीनले युट्युबमा शिट्टी आइडियाज ट्रेण्डिङको वेब सीरीज ‘प्यार का पञ्च’मा छवि मित्तल र पूजा गौरसँग काम गरेका छन् ।