काठमाडौं – जबरजस्ती करणी मुद्दामा दोषी ठहर भई १० वर्ष देखि फरार रहेका संखुवासभाका एक व्यक्तिलाई प्रहरीले सुनसरीको खनारबाट पक्राउ गरेको छ ।
इलाका प्रहरी कार्यालय चैनपुरका अनुसार संखुवासभाको चैनपुर नगरपालिका–१० घर भएका गणेश भनिने लेकबहादुर अधिकारीलाई पक्राउ गरिएको हो ।
प्रहरीले अपराध गरेको १० वर्षपछि उनलाई सुनसरीको खनारबाट पक्राउ गरेको हो ।
४३ वर्षीय उनले १३ वर्षीया बालिकालाई बलात्कार गरेको मुद्दामा २०७२ माघ १८ मा अदालतले १२ वर्ष कैद हुने फैसला गरेको थियो ।
प्रहरीका अनुसार अधिकारी २०६८ साल माघ १२ गते ती नाबालिकालाई जबरजस्ती करणी गरी फरार भएका थिए ।
प्रतिक्रिया