काठमाडौँ– जापानिज अर्बपति युसाका माएजावाले आफूले गर्न लागेको चन्द्रमाको यात्रामा विश्वभरीबाट छानिएका आठ जना मानिसलाई निःशुल्क लैजाने घोषणा गरेका छन् ।
एलन मस्कको स्पेसएक्स रकेटबाट आगामी सन् २०२३ मा हुने डियरमुन नामक अन्तरिक्ष मिसनमा युसाकाले आफूसँगै आठ जनालाई चन्द्रमाको यात्रामा लैजान लागेका हुन् ।
‘म चाहन्छु यसमा विभिन्न पृष्ठभूमिका मानिस जोडिउन्’ उनले ट्वीटरमा राखेको भिडियोमा भनेका छन् । त्यसका लागि उनले त्यहाँ आवेदन भर्ने विवरणहरू पनि राखेका छन् ।
पुरै यात्राका लागि आवश्यक खर्च आफूले गर्ने र सहभागीहरूको यात्रा निःशुल्क हुने जानकारी दिएका छन् ।
यो मिसनमा सहभागी हुनका लागि आवेदकहरुले दुईवटा मापदण्ड पूरा गर्नुपर्दछ । उनीहरु ‘जुनसुकै गतिविधिमा भए पनि उनीहरुले अन्य मानिस र बृहत समाजलाई कुनै न कुनै रुपमा सहयोग गर्नुपर्नेछ’ र ‘त्यस्तै धारणा राख्ने यात्राका अन्य सदस्यहरूलाई सहयोग गर्न इच्छुक हुनुपर्नेछ ।’
आफूले सबै सिटहरू किनिसकेको र यो यात्रा निजी हुने उनको भनाइ छ ।
Watch this video to learn more about the selection process. It also contains a special message from @elonmusk #dearMoon
↓Check the full versionhttps://t.co/i3ucR6BB44 pic.twitter.com/B3d8g0JvvP
— Yusaku Maezawa (MZ) (@yousuckMZ) March 2, 2021
प्रतिक्रिया