काठमाडौँ- रक्तचन्दनको तेल तस्करीको आरोपमा प्रहरीले दुई जना पक्राउ गरेको छ ।
पक्राउ पर्नेमा रामेछापको उमाकुण्ड गाउँपालिका-४ घर भई हाल बालाजु बस्दै आएका २७ वर्षीय रामबहादुर खत्री र कास्कीको लेखनाथ-१०घर भई बुढानिलकण्ठ-४ बस्ने ४० वर्षीय गंगाबहादुर पुन छन् ।
प्रतिलिटर ५ लाखका दरले ४४ लिटर रक्तचन्दनको तेल कारोबार हुँदै गरेको अवस्थामा उनीहरूलाई काठमाडौँको बुढानिलकण्ठ-५ पञ्चकुमारी मन्दिर नजिकबाट पक्राउ गरिएको हो ।
रक्तचन्दनको तेल भारतबाट ल्याएर नेपाल ट्रान्जिट बनाएर चीनसम्म पुग्ने गरेको पनि प्रहरी अनुसन्धानले देखाएको छ । घटनाबारे थप अनुसन्धान भइरहेको छ ।
प्रतिक्रिया