काठमाडौं– विजया दशमीको अवसर पारेर आगामी असोज २३ गते दाङको तुलसीपुर अरनिको मैदानमा अनाथ बालबालिका सहयोगार्थ एकदिने लाइभ कन्सर्ट आयोजना हुने भएको छ । कार्यक्रममा र्यापर समिर घिसिङ ‘भिटेन’सहित विभिन्न कलाकारको प्रस्तुति हुनेछ ।
कार्यक्रम व्यवस्थापक प्रकाश घर्तीमगरका अनुसार कार्यक्रममा मिलन नेवार, गायक प्रताप दास, दंगाली गायिका तथा मोडल सिर्जु अधिकारी, मोडल विजय पुन, मोडल रिया श्रेष्ठ लगायत अन्य कलाकारको विशेष प्रस्तुति हुनेछ ।
पीएम इन्टरप्राइजेजको आयोजना र केएम फिटनेस सेन्टरको सह–आयोजना हुने कार्यक्रमबाट उठेको रकम दाङमा रहेका अनाथ बालबालिकालाई सहयोग गरिनेछ ।
प्रतिक्रिया