काठमाडौं– गायक रामकृष्ण ढकाल र गायिका अञ्जु पन्तको स्वर रहेको ‘माछीले चलायो पानी’को भिडियो सार्वजनिक भएको छ । संगीतकार आलोकश्रीको संगीत रहेको गीतको शब्द ऋषिराम देवकोटाले लेखेका हुन् ।
भिडियोमा दीलिप रायमाझी र गरिमा शर्मा फिचर्ड छन् । गीतमा प्रेमीप्रेमिकाले एकअर्काको सम्झनामा व्यक्त गर्ने मनका भावना समेटिएको छ ।
गुञ्जन इन्टटेनमेन्टले निर्माण गरेको भिडियोमा नवराज उप्रेतीको छायांकन, भरत रेग्मीको सम्पादन छ । भिडियोको निर्देशन मौसम हिमालले गरेका हुन् ।
भिडियो संगीतकार आलोकश्रीको आफ्नै युट्युव च्यानल आलोक श्रीबाट सार्वजनिक भएको छ ।
प्रतिक्रिया