मुम्बई(दैनिक जागरण)– बलिउडकी दिवंगत अभिनेत्री श्रीदेवीकी छोरी जाह्नवी कपूर भलै आफ्नो करियरमा व्यस्त छिन् । उनले आफ्नो विवाहको बारेमा सोच्न पनि भ्याएकी छैनन् । तर यी अभिनेत्रीले आफ्नो विवाह कसरी हुन्छ भन्ने योजना चाहिँ बनाइसकेकी छन् ।

जाह्नवीले ब्याचलर पार्टीदेखि लिएर विवाहको पहिरन र लोकेसनसम्मको सबै योजना तयार पारेकी छन् । जाह्नवी सामान्य किसिमले विवाह गर्न चाहिन्छन् । दुई दिनमै विवाहका सबै कार्यक्रम सम्पन्न गर्ने उनको कार्ययोजना छ । विवाह पछि रिसेप्सन पार्टी अनिवार्य नहुने उनको बुझाई छ ।

एक पत्रिकासँगको कुराकानीमा उनले आफ्नो व्याचलर पार्टी हाफपेन्ट वा सामान्य किसिमको जिन्स पेन्ट लगाएर गर्नेछिन् । जुन पार्टी इटालीको कुनै जहाजमा हुनेछ ।

उनी तिरुपतिमा आफ्नो विवाह होस् भन्ने चाहिन्छन् । उनको मेहन्दी र संगीत समारोह मायलापुरमा श्रीदेवीको पुख्र्यौली घरमा हुनेछ ।

जाह्नवीका अनुसार विवाहमा उनले काञ्जीवरम वा पट्टु पावादी साडी लगाउनेछिन् । उनले आफ्नो विवाहको तयारी सौतेनी बहिनी अंशुला कपूरले हेर्ने बताएकी छन् । त्यो समयमा पिता बोनी कपूर निकै भावुक हुने भएकाले उनले अंशुलालाई सबै जिम्मेवारी दिने योजना बनाएकी छन् ।

जाह्नवीले सन् २०१८ मा फिल्म ‘धडक’बाट बलिउडमा पाइला चालिन् । बलिउडमा पाइला चालेको तीन वर्षमै उनी चल्तीकी अभिनेत्री बनेकी छन् ।

कामको कुरा गर्दा उनी अभिनित फिल्म ‘रुही’ केही समय अघि रिलिज भएको थियो । जसमा राजकुमार राव र वरुण शर्मा प्रमुख भूमिकामा थिए । अब उनी करण जोहारको फिल्म ‘दोस्ताना २’मा देखिँदैछिन् ।