काठमाडौं– गतवर्षको लकडाउन पछिको विषम परिस्थितिमा छायांकन गरिएको फिल्म ‘लभ सर्कल’को पहिलो अनुहार सार्वजनिक भएको छ ।

मि टिभीको प्रस्तुतिमा निर्माण भएको फिल्ममा ओमप्रकाश अग्रवाल र रोशन पौडेलको लगानी छ । कमेडी र सस्पेन्स थ्रिलर जनरामा बनेको फिल्मको निर्देशन वसन्त निरौलाले गरेका हुन् ।

फिल्ममा नाजिर हुसेन, मुकुन भुषाल, पवित्रा आचार्य, रवीन्द्र झा, रिस्ता बस्नेत, सुमन कोइरालाको अभिनय छ । फिल्ममा अंकित बाबु अधिकारीको संगीत, श्रीधर पौडेलको पोस्टर फोटोग्राफी, विनय पौडेलको मुख्य सहायक निर्देशन, अभिमन्यु निरवीको लेखन, राजेन्द्र मोक्तानको कलर, दिव्य सुवेदीको छायांँकन, पवित्रा आचार्यको कोरियोग्राफी र साहिल खान तथा मिलन श्रेष्ठको सम्पादन छ ।

फिल्म आगामी साउन २९ गतेबाट डिस होम सिनेमा घर च्यानल नम्बर ५५५ मा प्रदर्शनमा आउदैछ । फिल्ममा ओएसआर डिजिटलको सहकार्य रहेको छ ।