काठमाडौँ– १६ औं संस्करणको युरोकप फुटबल अन्तर्गत स्पेन र स्वीट्जरल्याण्डबीचको खेल अतिरिक्त समयमा पुगेको छ ।

दुबै टोलीले निर्धारित ९० मिनेटको समयमा १-१ गोलको को बराबरी खेलेसँगै खेल अतिरिक्त समयमा पुगेको हो ।

रुसको सेन्ट पिटर्सवर्ग स्टेडियममा जारी खेलमा स्पेनले खेलको आठौं मिनेटमा आत्मघाती गोलबाट अग्रता बनाएको थियो। स्वीट्जरल्यान्डका डेनिस जाकारियाले आत्मघाती गोल गरे ।

स्पेनका जोर्डी अल्बाले बक्स बाहिरबाट प्रहार गरेको बल डेनिसलाई लाग्दै गोलमा परिणत भएको थियो । खेलको दोस्रो हाफको ६८ औं मिनेटमा कप्तान जद्रान शाकिरीले गोल गर्दै स्विट्जरल्यान्डलाई १-१ गोलको स्थितिमा ल्याएका थिए ।

खेलको ७८ औं मिनेटमा रेफ्रीले स्वीट्जरल्यान्ड फ्रिउलरलाई रेड कार्ड दिएसँगै १० खेलाडीमा सीमित बनेको छ ।

आजको खेलमा जित हासिल गर्ने टोली सेमिफाइनलमा पुग्नेछ ।

स्वीट्जरल्याण्ड साविक उपविजेता फ्रान्सलाई हराउँदै क्वाटरफाइनलमा प्रवेश गरेको हो । तीन पटकको च्याम्पियन स्पेनले क्रोएसियालाई हराएर अन्तिम आठको यात्रा तय गरेको थियो ।