मुम्बई(दैनिक जागरण)– भारतीय टेलिभिजनको गायन रियालिटी शो ‘इण्डियन आइडल सिजन १२’मा यो साता अभिनेता शत्रुघ्न सिन्हा श्रीमति पुनम सिन्हाका साथ उपस्थित हुँदैछन् । यो शोमा प्रतिष्पर्धीले शत्रुघ्नका फिल्मका सुपरहिट गीत गाउनेछन् । यो शोमा उनले फिल्म ‘शोले’ को प्रस्ताव किन अस्वीकार गरे भन्ने बारे कुरा खोलेका छन् ।

शोमा निर्णायक हिमेश रेशमियाले शत्रुघ्नलाई फिल्म ‘शोले’मा अभिनय गर्न अस्वीकार गर्ने कारण सोधेका थिए ।

‘तपाईं यसलाई मानवीय भूल भन्न सक्नुहुन्छ । रमेश सिप्पी सा’ब ठूला फिल्म बनाउने गर्नुहुन्थ्यो । उहाँले ‘शोले’ बनाउनुभयो । जुन ब्लकबस्टर साबित भयो । विश्वका चर्चित फिल्म निर्माता, भारत रत्न र ओस्कार विजेता स्वर्गीय सत्यजीत रे साहबले पनि सराहना गर्नुभएको थियो’, उनले भनेका छन् ।

शत्रुघ्नले आफू मसलेदार फिल्ममा काम गर्ने भएका कारणले पनि ‘शोले’मा अनुबन्धित हुन नपाएको खुलाए ।

‘त्यो समयमा लगातार दुई हिरो हुने फिल्मको छायांकनमा व्यस्त थिएँ । म यसलाई मानवीय गल्ती भन्छु अथवा मेरो शैलीको मसलावाला थिएन । म दुःखी छु । सँगै म खुशी पनि छु कि ‘शोले’का कारण राष्ट्रिय आइकन तथा मेरो नजिकका साथी अमिताभ बच्चनले अवसर पाए’, उनले भनेका छन् ।