काठमाडौँ– ‘धेरै वर्ष भयो अझै त्यो बनिसकेको छैन ?’, प्रधानमन्त्री केपी शर्मा ओलीले प्रस्तावित अन्तर्राष्ट्रिय स्तरको मुलपानी मैदानबारे प्रश्न गरेका छन् ।

मंगलबार खेलकुदसँग प्रधानमन्त्री कार्यक्रम सम्बोधन गर्दै प्रधानमन्त्री ओलीले संरचना निर्माणका विषयहरुमा चासो राखेका हुन ।

प्रधानमन्त्री ओली अन्तरक्रियामार्फत आएका प्रश्नको जवाफ दिने क्रममा मुलपानी बारे आएको जवाफ दिएका हुन्। उनले मुलपानी मैदान छिट्टै बन्ने पनि बताए ।

सम्बोधनकै क्रममा ओलीले खेलकुद क्षेत्रका लागि बजेट बढ्ने आश्वासन पनि दिए ।

कोरोनाका कारणले यस आर्थिक वर्षमा बजेट घटेको उनले बताए । उनले भने, ‘सन् २०२१ भित्रै कोरोना लेखेट्छौं। पहिलेको भन्दा बजेट बढेर आउँछ।’

प्रधानमन्त्री ओलीले खेलकुद क्षेत्रलाई अनुत्पादक भन्न नमिल्ने बताए ।

‘खेलकुदले धान फलाउँदैन। आलु पनि फलाउँदैन। ज्याकेट नि सिलाउँदैन भनेर अनुत्पादक भन्नुहुन्न,’ उनले भने,’ स्वर्ण पदकले पर क्यापिटा इनकम, जीडीपी बढाउँदैन तर आफ्नो हिसाबको उपलब्धि दिन्छ। अनुत्पादक होइन ।’