दोहा- बहराइनका लागि नेपाली राजदूत पदम सुन्दासले कोरोनाविरुद्धको खोप लगाएका छन् । उनले खोपको दुवै मात्र लिएको र कुनै पनि स्वास्थ्य जटिलता नदेखिएको बहराइनस्थित नेपाली दूतावासले जनाएको छ ।

बहराइनमा सरकारले बहराइनका नागरिक सरह त्यहाँ कार्यरत सम्पूर्ण नेपाली नारिकहरुलाई पनि निःशुल्क कोरोना विरुद्धको खोप उपलब्ध गराइरहेको जनाएको छ ।

दूतावासले एक सूचना जारी गर्दै बहराइन सरकारले खोपका लागि नाम दर्ता गराउन आग्रह गरेको जानकारी दिदै त्यहाँ कार्यरत नेपालीहरुलाई पनि समयमै आफ्नो नाम दर्ता गराउन अनुरोध गरेको छ ।

खोप लगाए पनि कोरोनाको जोखिम कम नभएकाले मास्क लगाउन, भौतिक दुरी कायम गर्न र त्यहाँको सरकारले जारी गरेको स्वास्थ्य सम्बन्धी सम्पूर्ण मापदण्डको पालना गर्न समेत दूतावासले आग्रह गरेको छ ।