काठमाडौं – ७ महिनादेखि फैलिएको कोरोना भाइरसको संक्रमणले ब्राजिलमा एकै दिन ५८ हजारभन्दा बढी संक्रमित भएका छन्।
योसँगै ब्राजिलमा संक्रमितको संख्या २६ लाख १३ हजार ७८९ पुगेको छ । यस्तै पछिल्लो २४ घण्टामा थप १ हजार १८९ जनाको मृत्यु भएको छ ।
योसँगै ब्राजिलमा कोरोना संक्रमणले मृत्यु हुनेको संख्या ९१ हजार नाघेको छ । शुक्रबार यो समाचार तयार पार्दासम्म ९१ हजार ३७७ जनाको मृत्यु भएको छ ।
अमेरिकापछि सबैभन्दा बढी संक्रमण देखिएको ब्राजिलमा १८ लाख २४ हजार ९५ जना संक्रमणमुक्त भएका छन् भने ६ लाख ९८ हजार ३१७ जनाको उपचार भइरहेको छ ।
प्रतिक्रिया