काठमाडौं– नोबेल कोरोना भाइरस (कोभिड १९) रोकथाम र नियन्त्रणका लागि सशस्त्र प्रहरीले सीमा क्षेत्रमा खेलाडी समेत परिचालन गर्ने भएको छ ।

सशस्त्र प्रहरीले एपीएफमा आवद्ध खेलाडीहरुलाई सीमा सुरक्षार्थ खटाउने निर्णय गरेको हो ।

भारतसँगको सिमा नाकाको कडाइका लागि सशस्त्र प्रहरी बल (एपीएफ) ले १ सय जना खेलाडीसहित २ सय जनालाई प्रदेश नम्बर २ मा पठाउने जनाएको हो ।

आइतबार सशस्त्रले आन्तरिक निर्णय गर्दै लकडाउनमा सीमा नाका कडाइका लागि खेलाडीसहित २ सय जनाको टोली प्रदेश २ मा परिचालन गर्ने निर्णय गरेको हो ।

सशस्त्रले यसअघि पनि खेलाडीलाई तयारी अवस्थाा रहन निर्देशन दिएको थियो । तर आइतबार मात्रै उनीहरुलाई सीमा क्षेत्रमा पठाउने निर्णय गरेको स्रोतले जानकारी दिएको छ ।

दक्षिण एसियाली खेलकुद (साग) का स्वर्ण, रजत र कास्य पदक विजेता बाहेक अन्य खेलाडीलाई सीमा नाकाको सुरक्षार्थ पठाउने निर्णय गरेको हो ।