कोरोना भाइरसको संक्रमण फैलदैं गएपछि देशभर जारी लकडाउनमा फसेका मानिस आफ्नो घर जान अनेकौ जुक्तिखोजि रहेका छन् ।

सवारी साधनको विकल्पको नभएका र आर्थिक अभावमा रहेकाहरु पैदल घर फर्किएका छन् भने कतिपयले पास तथा बिभिन्न झुटको सहारामा भएपनि घर फर्किरहेका छन् ।

समग्रमा मानिस घर फर्किन जुनै मुल्य तिर्न पनि तयार छन् । तर यो मुल्य के लाखौंको होला ? त्यो पनि करिब ३२ लाख मुल्य लाग्ला?

भारतको मध्यप्रदेशको भोपाल निवासी एक ब्यक्तिले लकडाउनमा फसेको आफ्नो परिवारलाई घर पुर्‍याउन एक विमान नै भाडामा लिएका छन् । त्यो पनि मात्र ४ सदस्यको यात्राका लागी उनले १८० सिटको विमान भाडामा लिएका हुन् ।

भोपालका मदिरा कारोबारीले घरका ३ सदस्य र १ जना घरेलु कामदारलाई भोपालबाट दिल्ली पुर्‍याउन निजी कम्पनीको १८० सिट क्षमताको A320 विमान भाडामा लिएका हुन् ।

यसमा सबैभन्दा रोचक कुरा त के छ भने, सोमबार दिल्लीका लागी भोपालबाट ४ जनायात्रु लिएर उडेको विमानको भाडा मात्र भारु २० लाख अर्थात नेपाली ३२ लाख रहेको छ । जे होस् ती ब्यक्तिले २ महिनादेखि लकडाउनमा फसेका आफन्तलाई घर पुर्‍याए ।