आजकल प्रायः मानिसलाई राति अबेरसम्म निन्द्रा लाग्दैन । अधिकाशं मानिस बेलुकी ११ बजेसम्म निदाउएका हुदैनन् ।

बढ्दो डिजिटल लाइफ, आरामदायी जीवनशैली र बल पर्ने श्रमको अभावमा मानिस समयमा निदाउन छाडेका छन् । यस्तोमा धेरैलाई राति अबेरसम्म निन्द्रा लाग्दैन ।

निद्रा नलागेका कारण घण्टौंसम्म ओछ्यानमा यता र उता पल्टिदा समेत निन्द्रा लाग्दैन भने आज हामी सहजै निदाउन सकिने उपायबाट जानकारी दिदैछौ :

एक्युप्रेसरले अनिद्रा लगायत शरीरका धेरै समस्या समाधान गर्छ । त्यसैले निदाउन नसके शरीरका विशेष भागमा दबाब दिएमा जो कोहि सहजै शिशु झै निदाउन सक्छन् । यसका लागि शरीरका तीन बिन्दुमा दबाब दिनु पर्ने हुन्छ ।

१. गोडाको बुढी औंला र दोस्रो औंलाबीचको माथिल्लो भागमा सुत्नुअघि चारदेखि पाँच सेकेन्डसम्म थिच्नुहोस् ।

२. नाडीबाट तीन औंला माथिको दुरीमा रहेको भागमा पाँच मिनेटसम्म दबाब दिएमा निदाउन सहज हुन्छ ।

३. पैइतालाको मध्यभागमा पहिलो पटक ३० सेकेन्ड दबाब दिई पाँच सेकेन्ड छाडेर फेरि ३० सेकेन्डसम्म दबाब दिए निन्द्रा पर्न थाल्दछ ।