काठमाडौं- स्वास्थ्य तथा जनसंख्या मन्त्रालयले नेपालका विभिन्न अस्पतालहरुका आईसीयूमा १४४ जना र १७ जनाको भेन्टिलेटरमा उपचार भइरहेको जानकारी दिएको छ ।

मन्त्रालयका अनुसार प्रदेश १ मा १७ जना, प्रदेश २ मा ३८ जना, बाग्मती प्रदेशमा ७० जना, गण्डकी प्रदेशमा ३ जना, प्रदेश ५ मा १६ जना गरी १४४ जना कोरोना संक्रमितको आईसीयूमा उपचार भइरहेको छ ।

यसैगरी स्वास्थ्य अवस्था गम्भीर भएका भेन्टिलेटरमा उपचाररत १७ जनामध्ये प्रदेश १ मा ३ जना, बाग्मती प्रदेशमा १२ जना प्रदेश ५ मा २ जना छन् ।

आजमा मात्र थप १ हजार २२१ जनामा कोरोना भाइरसको संक्रमण पुष्टि भएको छ । त्यसैगरी पछिल्लो २४ घण्टामा थप १४ जनाको मृत्यु भएसँगै नेपालमा अहिलेसम्म कोरोनाका कारण ज्यान गुमाउनेको संख्या २२१ पुगेको छ ।