काठमाडाैं – लेखक तथा पत्रकार राज सरगमकाे ‘मेरो छाती धड्कियोस्’ गीत सार्वजनिक गरिएको छ । सर्जक सरगमले यसअघि केही फिल्मका गीत लेखनमा कलम चलाएका थिए ।

उनले दबाब, चाल, मेरो मान्छेलगायतका फिल्ममा गीत लेखेका थिए । लामो समयको अन्तरालपछि राजले गीत बजारमा ल्याएका हुन् ।

गीतमा विपिन आचार्यको कम्पोजिसन, संगीत संयाेजन र मिक्सिङ रहेकाे छ । यस्तै यो गीतलाई गायक प्रमोद खरेल स्वर दिएका छन् ।

उपत्यका आसपास छायांकन गरिएको गीतको भिडियोलाई नारायण ठकुरीले निर्देशन गरेका छन् ।

भिडियोको छायांकन नरेश चैसिरले गरेका छन् भने सन्देश परियारले सम्पादन गरेका छन् । साथै भिडियोमा मोडल कसिस दाहाल र भूपेशसिंह ठकुरीको अभिनय छ । युट्युब च्यानल साइराम पिक्चरबाट गीतलाई सार्वजनिक गरिएकाे हाे ।