काठमाडौं – लाखौं नेपालीहरु कार्यरत खाडीका ६ मुलुकमा कोरोना भाइरसले ३०७ जनाको मृत्यु भएको छ भने ५४ हजार बढी संक्रमित भएका छन् ।

खाडीका ६ राष्ट्रमध्ये साउदी अरवमा अहिलेसम्म सबैभन्दा धेरै १५७ जनाको मृत्यु भएको छ । त्यहाँ २१ हजार ४०२ जना संक्रमित भएका छन् ।

यस्तै यूएईमा ९८ जनाको मृत्यु भएको छ भने ११ हजार ९२९ जना संक्रमित भएका छन् । कोरोना भाइरसको संक्रमणले कुवेत २४ जनाको मृत्यु भएको छ भने ३ हजार ७४० जना संक्रमित भएका छन् ।

यस्तै कतार र ओमानमा १०/१० जनाको मृत्यु भएको छ । ती देशहरुमा क्रमश १२ हजार ५६४ र २ हजार २७४ संक्रमित भएका छन् ।

कोरोना भाइरसको संक्रमणले बहराइनमा ८ जनाको मृत्यु भएको छ । त्यहाँ २ हजार ९२१ जना संक्रमित भएका छन् ।

बैदेशिक रोजगारीमा रहेका लाखौं नेपालीहरु रहेका खाडी मुलुकमा संक्रमण बढ्दै जादा उनीहरु चिन्तित हुन थालेका छन् ।