झापा–नेपाली कांग्रेस नेता कृष्णप्रसाद सिटौलाले नेकपा नेतृत्वको सरकारले पार्टीभित्रको विवाद मिलाउन संविधान संशोधन गर्न खोज्नु गलत भएको बताएका छन् ।
शनिबार झापाको विर्तामोडमा पार्टीको क्षेत्रीय सम्मेलनमा नेता सिटौलाले सरकारले पार्टीका नेताहरुको चित्त बुझाउन संविधान संशोधन गर्ने प्रयास गरेको भन्दै आपत्ति जनाए । पराजित व्यक्तिलाई संविधानको भावना र व्यवस्था विपरीत राष्ट्रिय सभामा ल्याउन खोज्नु संविधानको दुरुपयोग भएको उनको भनाइ छ ।
कम्युनिस्ट सरकारले अदालतलाई पनि कम्युनिस्ट अदालत बनाउन खोजेको उनको आरोप छ । दुई तिहाइको दम्भमा सरकारले संवैधानिक निकाय र आयोगहरुलाई रबर स्टाम्प बनाउन खोजेको सिटौलाले आरोप लगाए ।
प्रतिक्रिया