काठमाडौँ– गृह मन्त्रालयले नेपाल प्रहरीका ९ एसएसपीलाई डीआईजीमा बढुवा सिफारिस गरेको छ ।

गृह सचिव महेश्वर न्यौपानेको अध्यक्षतामा बसेको बढुवा सिफारिस समितिले ९ एसएसपीको बढुवा सिफारिस गरेको हो ।

एसएसपीहरु गणेशबहादुर ऐर, पुरुषोत्तम कँडेल, राजेशकुमार लाल कर्ण, देवबहादुर बोहोरा, दिवेश लोहनी, रामकृपाल साह, उमेश रञ्जितकार, प्रकाश अधिकारी र मुकुन्दराज आचार्यलाई डीआईजीमा सिफारिस गरेको स्रोतले जानकारी दिएको छ ।

बढु्वा समितिले बरिष्ठताका आधारमा एसएसपीहरुलाई डीआइजी बढुवा सिफारिस गरेको हो ।

बढुवा सिफारिस हुने ८ एसएसपीआइजीपी शैलेश थापा क्षेत्रीका ब्याची हुन् भने दिवेश लोहनी एआइजी विश्व पोखरेलका ब्याची हुन् ।

मन्त्रिपरिषद्को बैठकले नेपाल प्रहरीमा ५ जना डीआईजीको दरबन्दी थपेको थियो । त्यसबाहेक ४ जना डीआईजीको पद रिक्त थियो । रिक्त र थपिएको गरी ९ पदमा उनीहरुलाई बढुवा सिफारिस गरिएको हो ।