सामान्यतयाः महिलाले प्रयोग गर्ने कुनै पनि हैण्ड ब्यागको मुल्य कति पर्ला ? नेपाली बजारमा पाइने ब्यागमा औसत अधिकतम् मुल्य ८/१० हजार वा बढिमा २५ हजारसम्म पर्न सक्छ । तर के कुनै ब्यागको मुल्य २२ लाख ३२ हजारभन्दा बढि पर्ला ?

अस्ट्रेलियामा एक महिलाले आफ्नो रोजाईको अत्यन्त महंगो ब्याग अर्डर गरिन् । उनले अर्डर गरेको ब्यागको मुल्य १९ हजार डलर अर्थात २२ लाख नेपाली रुपैयाँभन्दा बढि थियो ।

उनले मगाएको इम्पोर्टेड ब्याग भने ति महिलाले प्रयोग गर्न पाइनन् । उनले उक्त ब्यागलाई नष्ट गर्नुपर्यो । यति महंगो ब्याग नष्ट गर्नको कारण भने यसको इजाजत थियो ।

खासमा गोहिको छालाबाट बनेको उक्त मुल्यवान् ब्याग प्रयोगका निम्ती इजाजत (परमिट) लिनुपथ्र्यो । तर ब्याग अर्डर गरेकि महिलाले केवल ७० डलर (८ हजार २ सय नेपाली रुपैँया बराबर) को इजाजत लिइनन् । जसका कारण सो ब्याग प्रयोग अगावै नष्ट गर्नुपर्यो ।

अस्ट्रेलियामा वन्यजन्तुसंग जोडिएका समाग्रीको अवैध उपयोगमा अधिकतम १० बर्षको जेल सजाय हुने ब्यवस्था छ । विश्वका कैयौं देशमा लोपोन्मुख जनावरको प्रयोगबाट बनाइने सामाग्रीको उपयोगमा बर्जित गरिएको छ ।