काठमाडौं – गायक सुगम पोखरेल र प्रारम्भ भण्डारीले स्वर रहेको ‘धन्यवाद’ बोलको गीत सार्वजनिक गरिएको छ । उक्त गीत युट्युबमार्फत बुधवार सार्वजनिक गरिएको हो ।
गीतमा राजन अधिकारी र सुगम पोखरेलले शब्द लेखेका छन् भने सुगमले संगीत भरेका छन् । गीतले कोरोना भाइरसका बेला हरेश नखाई लड्नुपर्ने सन्देश दिएको छ ।
कोरोना संकटका बेला फ्रन्टलाइनमा रहेर काम गर्ने स्वास्थ्यकर्मी, सुरक्षाकर्मी तथा स्वयमसेवीलाई गीतमार्फत धन्यवाद व्यक्त गरिएको छ । भिडियोमा सुगम, प्रारम्भलाई लगायतलाई देख्न सकिन्छ ।
भिडियोमा एलिन श्रेष्ठको निर्देशन, उत्तम हुमागाईं र असु बस्नेतको छायांकन तथा लोकेश बज्राचार्यको सम्पादन रहेको छ ।
प्रतिक्रिया