काठमाडौं– राजधानीको भृकुटीमण्डपमा जुत्ता मेला शुरु भएको छ ।  भृकुटीमण्डप भित्र छिर्ने बितिकै दायाँतिर नेपालका प्रतिष्ठित जुत्ता कम्पनीहरुको मेला सुरु भएको छ ।

नेपालका पुराना र प्रतिष्ठित कम्पनीहरु शिखर शु, वीएफ डीएरहील, ल्यान्ड वास, रन शु र शु ल्याण्डले ग्राहक सङको प्रत्यक्ष भेटघाटको लागि उक्त मेलाको आयोजना गरिएको हो ।

१० देखी ६० प्रतिशत सम्म छुट रहेको उक्त मेलामा २ सय ५० देखि आठ हजार सम्मका जुत्ता पाइन्छन् भने चप्पल एक सय देखि एक हजार सम्मका पाइन्छन् । बिभिन्न समयमा लाग्ने यस्ता मेला भन्दा यसपटकको मेला फरक रहेको छ ।

हजारौं मोडलका जुत्ता चप्पल पाइने उक्त मेलामा बच्चा, युवक, वृद्ध सबैलाई मिल्ने खालका जुत्ता चप्पल पाइन्छ । जाडो, गर्मी दुबै मौसमलाई मिल्ने खालका जुत्ता चप्पल पाइन्छन् ।