एजेन्सी– स्पेनिस शीर्ष स्तरका खेलाडी राफार नाडाल चिरपरिचित प्रतिद्वन्दी निक कार्गीसोलाई पराजित गर्दै अस्ट्रेलियन ओपन टेनिसको क्वाटरफाइनलमा प्रवेश गरेका छन् ।

क्वाटरफाइनल प्रवेशका लागि नाडालले कार्गीसोलाई ३–१ को सेटमा पराजित गरेको हो । ३३ बर्षिय नाडालले कार्गीसोलाई पहिलो, तेस्रो र चौथो राउण्डमा पाजित गरेका थिए । भने दोस्रो सेटमा पराजित भएका थिए ।

नाडालले कार्गिसोलाई पहिलो सेटमा ६–३ मा हराउँदा दोस्रो सेट ३–६ ले गुमाएका थिए भने रोमाञ्चक बनेको खेलमा तेस्रो सेटमा नाडालले लय समात्दै समान ७–६, ७–६ को स्कोरमा जीत हात पारेका थिए ।

पराजित कार्गीसोले खेल अगाडिको वार्म अप खेलमा आइतबार बेलुका हेलीकप्टर दुर्घटनामा मृत्यु भएका बास्केटबल लेजेन्ड कोबी ब्रायटको सम्मान उनको २४ नम्बर जर्सि लगाएका थिए ।

क्वाटरफाइनलमा स्थान बनाएका नाडाल अब अन्तिम ८ मा डोकिनिक थिमेको सामना गर्नेछन् ।