आजकल मोटोपना घटाउन ग्रीन टी पिउने गरिन्छ । ग्रीन टीले पेटको बोसो घटाउँछ भन्दै ग्रीन टी पिउनेको संख्या बढेको छ । तर ग्रीन टीको सेवन बढि मात्रामा गरेमा यसले हानी समेत पुर्याउँने गर्दछ ।

दैनिक २ कपभन्दा बढि मात्रामा ग्रीन टीको सेवनले शरीरमा हानी पुर्याउन सक्छ । चिकित्सकहरु ग्रीन टीमा पाइने क्याफिनले भोक नियन्त्रण गर्ने र मोटोपना कम हुने बताउँछन् । तर बढि मात्रामा ग्रीन टीको सेवनले शरीरमा अन्य समस्याहरु पैदा गराउँछ ।

साथै खाली पेटमा ग्रीन टीको सेवनले मेटाबोलिज्ममा असर पार्दछ । जसले पेट पोल्ने, भोक नलाग्ने र एसिड उत्पन्न हुने समस्याहरु पैदा गराउँछ । यसका साथै खाली पेटमा ग्रीन टी पिउँदा शरीरमा रगतको कमी आउँछ । तसर्थ ग्रीन टी सेवन गर्दा थोरै मात्रामा भएपनि ठोस खानेकुरा खान चिकित्सकहरु सुझाव दिन्छन् ।

ग्रीन–टीमा पाइने डिउरेटिक नामक तत्वले शरीरमा पानीको मात्रा कम गराउँछ । बढि मात्रामा ग्रीन टी पिउँदा शरीरमा पानीको मात्रा कम हुन जान्छ । जसले शरीरमा पानीको मात्रा कम गराउँछ र डिहाइड्रेशन हुन्छ । अत्याधिक ग्रीन टी पिउँदा माइग्रेन र टाउको दुख्ने समस्या हुन सक्छ । यस प्रकारको टाउको दुखाईको कारण रक्तचाप उच्च हुन सक्छ ।

ग्रीन टीको सेवन खाना खाइसकेपछि गर्नु उत्तम हुन्छ । खानापछि ग्रीन टी पिउँदा पेटसफा हुने र तौल पनि नियन्त्रण हुन्छ ।