स्तनधारी प्राणीका नवजात शिशुका लागी दूध अत्यन्त महत्वपुर्ण हुन्छ । आमाको दूधमात्र नभई गाई वा भैसीको दूध समेत स्वास्थ्यका लागी लाभदायी हुन्छ । दूधमा पाईन पौष्टिक तत्व हाम्रो शरीरका लागी अत्यन्त महत्वपुर्ण हुन्छ ।

दूध जुनसुकै समयमा पनि सेवन गर्न सकिन्छ । विशेषगरी दूधको सेवन बिहान वा बेलुकीको समयमा उत्तम मानिन्छ । यसले शरीरमा शक्ति प्रदान गर्दछ । साथै मस्तिष्क विकासमा समेत फाइदाजनक हुन्छ ।

नियमित दूध पिउँदा यसमा पाइने क्याल्सियमले हाम्रो हाडलाई मजबुत बनाउँछ । तर कहिलेकाहिँ दूध पिउने सहि तरिका नजान्दा यसले नकारात्मक असर समेत पार्न सक्छ । त्यसैले दूध पिउनुअघि निम्न कुरामा ध्यान दिन जरुरी छ ।

– दूधको सेवन गर्दा सकेसम्म खानासंग खानु हुदैन ।
– खानामा कालो दाल छ भने भुलेर पनि दूधको सेवन गर्नु हुदैन ।
– जानअन्जानमा कहिलेकाहिँ दही र दूध एकसाथ खाइन्छ । तर यसो गर्नु हानिकारक हुन्छ ।
– माछामासुसंग कहिल्यै दूधको सेवन गर्नु हुदैन ।
– मूला, जामुनसंग पनि दूधको सेवन गर्नु हुदैन । यसले स्वास्थ्य बिग्रार्ने गर्दछ ।
– दूधसँग कहिल्यै नुनको सेवन गर्नु हुदैन ।
– करेला तरकारी छ भने एकसाथ दूधको सेवन गर्नु हुदैन ।
– दूध सेवन गर्दा कागती वा टमाटरको अचार खानु हुदैन ।
– सुत्नुअघि दूध पिउने बानी भएमा निदाउनु ३ घण्टा अगावै पिउनु पर्दछ ।