काठमाडौँ- साधारणतयाः जाडो सुरू भएपछि जोर्नीको दुःखाई आम समस्याको रूपमा देखा पर्छ ।
बोलिचालिको भाषामा बाथ रोग भनिने यो समस्याले अंगमा हानी गर्न सक्छ । बाथ रोग धेरै प्रकारका हुन्छन् र विभिन्न प्रकारका बाथले विभिन्न लक्षण देखाउँछन्।
बाथ रोगमा सामान्यतयाः जोर्नी दुख्ने र सुनिने हुन्छ । सयभन्दा बढी प्रकारका बाथ रोगहरूमध्ये गठिया बाथ अथवा प्यालोटोइड आथर्राइटिस सबैभन्दा धेरै देखिने बाथ हो।
गठिया बाथले मुख्यतया हात तथा खुट्टाका साना जोर्नीलाई असर गर्छ । यसले २० देखि ५० वर्षका महिलालाई ज्यादा असर गर्ने देखिए पनि बालकदेखि वृद्ध, महिला तथा पुरुष सबैलाई यसले समात्न सक्छ।
यस्ता छन् लक्षण
-हातखुट्टाका जोर्नीहरू दुख्ने
-सुनिने तथा बिहानीपख अररो हुने
-ज्वरो आउने,
-आलस्य हुने,
-चाँडै थाक्ने तथा गल्ने
-छालामा निको नहुने घाउ आउने,
-आँखा रातो हुने तथा दुख्ने,
-फोक्सो जाली पर्ने र स्वाँस्वाँ आउने,
-फोक्सोबाहिर पानी जम्ने यसका लक्षण हुन्।
यी हुन् बच्ने उपाय
-चिसोमा नजाने ।
-बेलुकी मनतातो पानीमा नुन राखेर पाँचदेखि १० मिनेट हातखुट्टाको औंला सेक्ने ।
-चिसो मौसममा तातो खानेकुरा खाने र न्यानो कपडा लगाउने ।
-धुम्रपान तथा मद्यपान नगर्ने ।
-रातो मासु नखाने ।
-सुकेको गेडागुडी, गोलभेँडा जस्ता खानेकुरा नखाने ।
-शरीरमा निलडाम देखिएमा, मुखमा घाउ आएमा वा छालामा डाबरहरु देखिएमा तुरुन्त चिकित्सकलाई देखाउने ।
प्रतिक्रिया