खाना अपच भए विषाक्त भएको खाना खादाँ हुने झाडावान्तालाई फुडपोइजन भनिन्छ । यो विशेषगरी दशैँ लगायतका चाडपर्वका बेला असन्तुलित खानपानका कारण हुने गर्दछ ।

चाडवाडका बेलामा फुडपोइजनबाट बच्नु पर्दछ । यो विभिन्न किसिमका व्याक्टेरिया इकोली, सालमोनेला जस्ता व्याक्टेरियल संक्रमणका कारणले हुने गर्दछ ।

विशेषतः माछामासु अण्डा र दूग्द्य उत्पादनमा व्याक्टेरियाको छिटै संक्रमण हुन्छ । यस्ता खानेकुरा खाँदा सावधानी उपनाउनु पर्ने हुन्छ ।

अझ हात नधोई खाना पकाउँदा, बासी, सडेको, दुषित पानी, रङ मिश्रित, जङफुड क्यामिलयुक्त प्याकेटका खानाका कारणले पनि फुडपोइजन हुन्छ ।

फुडपोइजनको लक्षण
– झाडापखाला लाग्ने
– वाकवाकी लाग्ने
– भोक नलाग्ने
– पेट दुख्ने
– मन्दज्वरो आउने
– थकित महसुस हुने
– टाउको दुख्ने
– कमजोर महसुस हुने

बच्ने उपाय
– पानीलाई उमालेर, फिल्टर गरेर पिउने शुद्ध पानी प्रशस्त पिउने ।
– चाडपर्वको बेलामा पकाइएका माछामासु लामो समयसम्म नराख्ने/नखाने ।
– धेरै खानेकुरा एकैपटक नखाने
– पकाएको खानेकुरा छोपेर राख्ने
– झिँगा भन्किएको खानेकुरा नखाने
– खाना पकाउँदा, खानुअघिपछि साबुन पानीले हात धुने ।
– फलफूल राम्रोसँग पखालेर मात्र खाने
– प्याकेजिङ खाना, पेयपदार्थ, मैदायुक्त, केमिकलयुक्त नखाने ।