काठमाडौं- प्रधानमन्त्री केपी शर्मा ओलीले गणतन्त्र सिंगापुरका प्रधानमन्त्रीमा लि सि एन लुङ पुनः निर्वाचित भएकोमा हार्दिक बधाई ज्ञापन गरेका छन् ।

नवनिर्वाचित प्रधानमन्त्री लिलाई आज एक बधाई सन्देश पठाउँदै प्रधानमन्त्री ओलीले उनको सफल कार्यकालको शुभकामना व्यक्त गरे । उनको कार्यकालमा नेपाल–सिङ्गापुर सम्बन्ध अझ सुदृढ हुने विश्वाससमेत प्रधानमन्त्री ओलीले गरे ।

यसैगरी परराष्ट्र प्रदीपकुमार ज्ञवालीले सिङ्गापुरको विदेशमन्त्रीमा भिभिएन बालकृष्णनन् पुनः नियुक्त हुनु भएकामा बधाई ज्ञापन गरे ।

मन्त्री ज्ञवालीले आजै विदेशमन्त्री बालकृष्णननलाई बधाई सन्देश पठाउँदै गत वर्ष माल्दिभ्सको राजधानी मालेमा उनीसँग भएको भेटवार्ताको स्मरण गरे ।

बालकृष्णननको कार्यकालमा नेपाल र सिंगापुरबीच विद्यमान मैत्री एवं सहयोगात्मक सम्बन्ध थप प्रगाढ हुने विश्वास व्यक्त गरे ।

यस्तो छ बधाई ज्ञापन पत्र