काठमाडौं- पूर्वी लद्दाखको लाइन अफ एक्चुअल कन्ट्रोल (एलएसी)को आसपास चीन र भारतका सेनाबीच तनाव बढिरहेको देखिएको छ ।

पूर्वी लद्दाखको सीमा क्षेत्रमा भारत र चीनबीच करिब २ महिनादेखि तनावको स्थिति छ ।

दुई देशबीच तनाव जारी रहेका बेला चीनले भारतीय इलाकामा १० किलोमिटर भित्र घुसेर १०० भन्दा धेरै पाल गाडेको जनाइएको छ ।

यो महिना मात्र दुई देशका सैनिकबीच दुई पटक झडप भइसकेको छ । यदि यी दुवै सेनाबीच भिडन्तको स्थितिमा आएमा २०१७ मा डोकलाममा भएको झडपपपछिको यो सबैभन्दा ठूलो विवाद हुनेछ ।

समाचार एजेन्सीले सूत्रको हवाला दिँदै लेखेअनुसार भारतले पेगोंग त्सो ताल र गालवान उपत्यकामा सैनिक बढाएको छ ।

यी दुई क्षेत्रमा चीनले २ हजारदेखि अढाइ हजार सैनिक तैनाथ गरेको जनाइएको छ । चीनले लद्दाखका कैयौं क्षेत्रमा आफ्नो दावी गर्दै आएको छ ।

भारतीय सेनाका एक उच्च अधिकारीले समाचार एजेन्सीलाई बताए अनुसार यी दुवै क्षेत्रमा भारतको क्षमता चीनको भन्दा राम्रो छ । तर, सबैभन्दा चिन्ताको कुरा भारतीय पोस्ट केएम १२० र गालवान उपत्यका समेत कैयौं अहम विन्दुमा चीनका सैनिक छन् ।

– दैनिक भास्करबाट