काठमाडौं- अनलाइनमा माध्यमबाट सबै क्याम्पस, विभाग र स्कुलमा पठनपाठन गराउन

त्रिभुवन विश्वविद्यालयले अनलाईन माध्यमबाट सबै क्याम्पस, विभाग र स्कसलमा पठनपाठन गराउन आचारसंहिता सहितको निर्देशिका जारी गरेको छ ।

विश्वविद्यालयले अनलाइनबाट गरिने कक्षा सञ्चालन सम्बन्धी निर्देशिका २०७७ तयार पारेर कार्यकारी परिषद्बाट स्वीकृत गरेको हो ।

अनलाइन कक्षा सञ्चालन गर्दा इन्टरनेटको दुरुपयोग हुनसक्ने भएकाले कानुन र आचारसंहिता जरुरी हुने भएकाले निर्देशिका जारी गरिएको
हो ।

लकडाउनको अवधि लम्बिदैं जाँदा ११ वटै विश्वविद्यालय र विद्यालय तहमा पनि अनलाइन कक्षा चलाउन थालिएको छ ।

निर्देशिकामा आचारसंहिता र कारबाहीको प्रावधानसमेत राखिएको छ । विद्यार्थी, शिक्षक र कर्मचारीले आचारसंहिता उल्लंघन गरेमा विश्वविद्यालयले कारबाही गर्ने चेतावनी दिइएको छ ।

निर्देशिका बमोजिम कलेज, स्कुल र विभागले तोकेको कक्षामा सम्बन्धीत विद्यार्थीलाई अनिवार्य उपस्थित हुनुपर्ने छ र औपचारिक पोशाकलाई अनिवार्य गरेको छ ।