काठमाडौं – कोरोना भाइरसले महामारीको रुप लिएपछि एप्पलले बजारमा मार्चमा नै ल्याउने भनेको सस्तो फोन आइफोन नाइन आउन ढिलाई हुने भएको छ ।
चीनबाट फैलिएको नोवल कोरोना भाइरसका कारण उक्त फोन विश्व बजारमा सार्वजनिक हुन ढिलाई हुने भएको हो ।
यसअघि कम्पनीले उक्त फोन आउँदो मार्च महिनामा सार्वजनिक गर्ने बताएको थियो । तर, कोरोना भाइरसका कारण कम्पनीको चीनमा रहेको उत्पादन कम्पनी बन्द भएसँगै त्यसको असर उक्त फोनमा परेको हो ।
एप्प्लको चीनमा रहेको उत्पादन कम्पनी बन्द हुँदा आईफोनको उत्पादन क्षमता आधाले घटेको छ । जसका कारण कम्पनीले सार्वजनिक गर्ने समय सारेको हो ।
कम्पनीले अब कहिले र कहाँ सार्वजनिक गर्ने भन्ने विषयमा कुनै जानकारी दिएको छैन ।
प्रतिक्रिया