काठमाडौं– नेपाली राष्ट्रिय ब्याडमिन्टन खेलको अभ्यास आइतबारबाट पुनः सुचारु हुने भएको छ । साउन महिनामा सरकारले उपत्यकामा निषेधाज्ञा लगाएपछि रोकिएको अभ्यास राष्ट्रिय खेलकुद परिषद् (राखेप) सँगको समन्वयमा सुचारु हुन लागेको हो ।

ब्याडमिन्टन संघले खेलाडीहरुलाई आइतबारबाट अभ्यास सूरु हुने भन्दै पत्राचार गरिसकेको छ ।

ब्याडमिन्टनका युवा स्टार पिन्स दाहालले संघबा६ अभ्यास सुरु हुने जानकारी आएको बताए । उनले अभ्यास आइतबारदेखि हुने जानकारी दिए।

असारमा नियमित अभ्यास गरेको ब्याडमिन्टनको काठमाडौं उपत्यकामा निषेधाज्ञा जारी भएपछि रोकिएको थियो । निषेधाज्ञा खुकुलो भएपछि अभ्यास सुरु हुन लागेको हो ।

राखेपका सदस्यसचिव रमेशकुमार सिलवालले सरकारले यस विषयमा निर्णय नलिँदा राखेपले सुरक्षा मापदण्डसहित अभ्यासमा फर्कन आन्तरिक सर्कुलेसन गरेको बताए ।