काठमाडौं– पढाइको सिलसिलामा भारत हुँदै इन्डोनेसिया पुगेकी नेपाली चेलीको भारतले उद्दार गरेको छ ।
हरियाणमा बीबीए पढ्दै गरेकी उनी तीन महिनाका लागि ‘एक्सेन्ज प्रोग्राम’का सिलसिलामा इन्डोनेसियास्थित एक विश्वविद्यालयमा पढ्न पुगेकी थिइन् ।
उनी इन्डोनेसिया पुगेको केही समयपछि कोरोना भाइरस संक्रमणको जोखिमका कारण लकडाउन लागूभएसँगै उनी इन्डोनेसियामै रोकिएकी थिइन् ।
यो अवस्थामा इन्डोनेसियाबाट फर्किन निकै समस्या भएको उनले बताएकी थिइन । यसबीच भारतले त्यहाँ रहेका भारतीयहरुको उद्दारका लागि चार्टर्ड विमानको व्यवस्था गरेको थियो । सोही बिमानमा भारतीय दूतावसको प्रत्यक्ष सहयोगमा आफ्नो पनि उद्दार गरिएको उनले बताएकी छिन् ।
उनले आफ्नो नाम सेविका ढकाल भएको र स्थायी घर रत्ननगर–९ चितवन भएको बताएकी छिन् । उनले भिडियोमा भनेकी छिन्–‘यो अवस्थामा म नेपाली भएको हुँदो मेरो उद्दार हुने सम्भावना कम थियो, किनकी भारतीयहरुलाई उद्दारका लागि फ्लाइट व्यवस्था थियो । तर पनि दूतावासको पहलमा म आउन सफल भएँ । भारतीय दूतावासलाई धेरै धेरै धन्यवाद दिन चाहान्छु ।’
उनले आफूलाई उद्धार गरिदिन नेपाल सरकारलाई अनुरोध गरेको र नेपाल सरकारले भारत सरकारलाई अनुरोध गरेकाले हुँदा आफू इन्डोनेसियाबाट फर्किन सफल भएकोमा खुशी व्यक्त गरेकी छिन् ।
उनले यो विषम परिस्थितिमा हिम्मत नहारी सुरक्षित रहन समेत सबैलाई सुझाव दिएकी छिन् ।
भिडियो हेर्नुहोस्
Shevika Dakal, a Nepali student of BBA, in Maharishi Markandey Uni, was in Indonesia as part of an exchange program with Airlangga Uni. She left for India by AI 1039. She is thankful to the GOI for the #VandeBharatMission
Thanks to @MoCA_GOI @MoHFW_India @DDNewslive @MEAIndia pic.twitter.com/Ehig6U1yKQ— India in Indonesia (@IndianEmbJkt) May 22, 2020
प्रतिक्रिया