काठमाडौं – संरक्षित बन्यजन्तु जरायोको सुकुटी खान फेसबुक मार्फत आह्वान गर्ने दाङका एक व्यक्तिलाई वन कार्यालयले पक्राउ गरेको छ ।

गढवा गाउँपालिका वडा नम्बर ६ का ३५ वर्षीय राज पुनलाई डिभिजन वन कार्यालयल देउखुरीको टोलीले पक्राउ गरेको हो ।

पुनले बिहीबार फेसबुकमा ‘लकडाउनको टाइम पास आजको नास्ता जरायोको सुकुटी, वेलकम माइ हाउस’ भनेर स्ट्याटस लेखेका थिए ।

सो लगत्तै डिभिजन वन कार्यालय देउखुरीमा सूचना पुगेपछि पुनलाई पक्राउ गरी अनुसन्धान थालिएको डिभिजन वन प्रमुख प्रविण बिडारीले जानकारी दिए ।

पक्राउ गरिएपछि फेसबुकबाट उक्त पोष्ट डिलिट गरेका उनलाई राष्ट्रिय निकुञ्ज तथा वन्यजन्तु संरक्षण ऐन अनुसार कानूनी कारबाहीको प्रकृया अघि बढाइएको वन कार्यालय देउखुरीका प्रमुख बिडारीले बताए।