काठमाडौं – कोरोना भाइरसको संक्रमणबाट जोगिन बेलायत सरकारले त्यहाँका अस्पतालहरुमा ड्रोनबाट औषधि र खाद्यान्न पठाउने भएको छ।

परीक्षणका रुपमा ड्रोनबाट अस्पतालहरुमा अत्यावश्यक औषधि र खानेकुरा पठाउन लागेको बेलायतका यातायात मन्त्री ग्रान्ट शाप्सले जनाएका छन् ।

शुक्रबार बेलायतको प्रधानमन्त्री कार्यालयमा आयोजित कार्यक्रममा उक्त जानकारी दिदै शाप्सले परीक्षणका रुपमा सुरु गरिने ड्रोनबाट औषधि र खाद्यान्न पठाउने काम सफल भए नियमितरुपमा त्यसै गरिने बताएका छन् ।

परीक्षण अन्तरगत आउँदो हप्ता लण्डनको सेण्ट म्यारी अस्पतालमा केही चिकित्सकीय उपकरणहरू पठाइनेछन् ।

बेलायतमा यो समाचार तयार पार्दासम्म कोरोना भाइरसको संक्रमणबाट १९ हजारभन्दा बढीको मृत्यु भइसकेको छ भने १ लाख ४३ हजारभन्दा बढी संक्रमित भइसकेका छन् ।