काठमाडौं– नेपाली ब्याडमिन्टनका युवा खेलाडी प्रिन्स दाहालले युरोपमा दुई जुनियर इन्टरनेशनल च्याम्पियनसिप खेल्ने भएका छन् । त्यसका लागि प्रिन्ससहित तीन सदस्यीय टोली मंगलबार युरोप प्रस्थान गरेको छ ।

प्रिन्सले नेदरयाण्ड्समा ‘डच जुनियर इन्टरनेशनल २०२०’ र जर्मनीको ‘जुनियर इन्टरनेशनल २०२०’ गरी दुई सिरिज खेल्नेछन् ।
युरोप जाने टोलीमा प्रिन्स र कमलेस निरौलासँगै नेपाली टिम म्यानेजरमा सुवास श्रेष्ठ पनि छन् ।

उनले सुरुमा नेदरल्याण्डमा खेल्नेछन् । नेदरल्याणड्समा योनेस्क डच जुनियर इन्टरनेशनल यही फेब्रुअरी २६ देखि मार्च १ सम्म हुनेछ । त्यसपछि जर्मनीमा हुने सिरिजका लागि प्रिन्स जर्मनी जानेछन् ।

जर्मन सिरिज मार्च ३ देखि ८ सम्म हुनेछ । प्रिन्स विश्व ब्याडमिन्टन महासंघ (बिडब्लुएफ) को जुनियर वरियतामा ११औं स्थानमा छन् ।

शीर्ष ११ औंस्थानमा रहेकै कारण उनले विश्वस्तरिय दुई प्रतियोगिता खेल्न पाएको प्रशिक्षक तथा प्रिन्सका मामा निरौलाले बताए ।
प्रिन्सले यसअघि दुबई जुनियर इन्टनेशन सिरिजमा स्वर्ण जितेका थिए ।