काठमाडौं – नायिका ऋचा शर्माको टिमले फिल्म स्ट्रिमिङ एप ‘चलचित्र टिभी एप’ सार्वजनिक गरेको छ । घरमा बसेर चलचित्र हेर्न नपाएका दर्शकको चलचित्र हेर्ने चाहना पूरा गराउने लक्ष्य लिइएको छ ।
युट्युबमा रिलिज गरिएका नेपाली चलचित्र दर्शकले रुचिका साथ हेर्ने गरे पनि यस्ता एपबाट भने दर्शकले खासै चलचित्र हेर्ने गरेका छैनन् ।
यसअघि पनि भिडियो पसल, आइफिल्क्स लगायतका एपहरु सार्वजनिक भएका थिए ।
ऋचाका अनुसार यो एप खासगरी विदेशमा बस्ने नेपालीलाई लक्षित गरी निर्माण गरिएको हो । मोबाइलमा डाउनलोड गर्न भने अझै केही समय लाग्ने जनाइएको छ ।
यो एपमा दीपकराज गिरीका फिल्म ‘छ माया छपक्कै’ र ‘छक्का पञ्जा ३’ रिलिज गरिने बताइएको छ ।
प्रतिक्रिया