काठमाडौं– विश्वव्यापी समस्या बनेको कोरोना भाइरस (कोभिड–१९) संक्रमणको त्रास नेपालमा उच्च छ ।  एक जना नेपालीमा कोरोना भाइरसको देखिएपछि मानिस थप शशंकित भएका छन ।

सरकाले भाइरस फैलन नदिनका लागि भन्दै लकडाउन गरेको छ । लकडाउन गरिएपनि मानिसहरु भित्री सडकमा हिँडिरहेका छन ।

संकट र त्रासको यो समयमा घरबाहिर निस्कनेहरूले उचित सावधानी अपनाउँदै आएका छन् ।  हिजाे राजधानीका सडकमा सर्वसाधारणहरू मास्क प्रयोग गरेर हिँडेका भेटिएका थिए ।

राजधानीमा काम विशेषले सार्वजनिक रूपमा हिँडडुल गर्नेहरू प्रायः सबैको मुखमा मास्क देखिने गरेको छ । सार्वजनिक यातायातका चालक, यात्रुदेखि पसल गर्ने व्यवसायी, ड्युटीमा खटिएका सुरक्षाकर्मीहरूले मास्क प्रयोग गरेका छन् ।

बजारमा अहिले मास्कको अभाव छ । मास्क किन्न पाइन छोडेपछि सर्वसाधारणहरू जोखिमबाट बच्न अन्य कपडा प्रयोग गरेर पनि काम चलाउन थालेका छन् ।

सल, रुमाल आदिलाई मास्कको रुपमा प्रयोग गरेका पैदलयात्रीहरू पनि देखिन्छन् ।