काठमाडौं – अभिनेता आर्यन सिग्देलले निर्माण हुन लागेको फिल्म ‘अर्जुन रेड्डी’ बाट अफर नआएको बताएका छन् ।

केही दिनयता उनले तेलुगु फिल्म ‘अर्जुन रेड्डी’ को नेपाली रिमेकमा अभिनेता आर्यन सिग्देलले अभिनय गर्ने पक्का भएको भन्दै केही मिडियामा समाचार आएका थिए ।

ती समाचारको खण्डन गर्दै सिग्देलले ‘अर्जुन रेड्डी’ को नेपाली रिमेकमा काम गर्नेबारे कुरा नभएको बताएका हुन् ।

आर्यनले सामाजिक सञ्जाल फेसबूकमा एक पोस्ट गर्दै आफू उक्त फिल्मको हिस्सेदार नभएको र यसबारेमा मेकरले कुरा नगरेको जनाएका छन् । साथै उनले टिमलाई शुभकामना दिँदै फिल्मको तारिफ समेत गरेका छन् ।

तेलुगुको हिन्दी भर्सन ‘कबीर सिंह’ मा शाहिद कपूरले शीर्ष भूमिकामा अभिनय गरेका थिए । यो फिल्म पनि दर्शकले खुबै रुचाएका थिए । त्यस्तै ‘अर्जुन रेड्डी’ मा विजयले शीर्ष भूमिका निभाएका थिए ।

एक सन्की डाक्टरको कथा रहेको यो फिल्म युवापुस्तामाझ लोकप्रिय छ । यही लोकप्रियताका कारण फिल्मको नेपाली रिमेक बनाउनका लागि युवा फिल्मसले राइटस् खरिद गरेको हो ।