काठमाडौं– सभामुख अग्नि प्रसाद सापकोटाले केन्द्रीय राहत कोषमा आफ्नो एक महिनाको पारिश्रमिक उपलब्ध गराएका छन् ।

सभामुख सापकोटाले सरकारको आकस्मिक कोष स्थापना गर्ने निर्णको स्वागत गर्दै आज कोषमा रकम जम्मा गरेका हुन् ।

संघीय संसद सचिवालयको आर्थिक प्रशासन शाखामार्फत् सो रकम कोषमा जम्मा हुनेछ । सरकारले कोरोना (कोभिड १९) विरुद्ध लड्न पूर्व तयारीस्वरुप आइतबार केन्द्रीय राहत कोष खडा गरेको थियो ।

यसैबीच सभामुख सापकोटाले संघीय संसद सचिवालयमा तयार गरिएको आइसोलेसन वार्डको आज अनुगमन समेत गरेका छन् ।

उनले सिंहदरबारस्थित संसद सचिवालयको १ नम्बर भवनमा तयार गरिएको आइसोलेसन वार्डको अनुगमन गर्दै सबै खाले तयारीमा जुट्न सचिवालयका कर्मचारीहरुलाई निर्देशन दिए ।

कोरोना भाइरस संक्रमित भेटिए अस्पताल पुर्‍याउनअघि वार्डमा राख्ने व्यबस्था गरिएको संसद सचिवालय अन्तर्गतको स्वास्थ्य इकाइका डा।पुस्पराज रिजालले जानकारी दिए।